It was a game in which I couldn't become good easily. You couldn't easily beat people. That challenge attracted me.

Share your thoughts in the comments

Be respectful · community guidelines

Gali agar na chunta ye toh,Mujhko itna naam na milta.Is haseen mehfil mein tumko aaj na milta, kal na milta.Main toh apne bachpan mein hi in mahalon se rooth gaya,Maine path ko kabhi na chhoda, chahe kitna toot gaya.Roti ke tukdon se zyada maine apne sapne ko maan diya,Har pal — har ghadi, is din ke liye jiya.Maine khoob tarazu par chadhte dekha imaanon ko,Pashuon ke pairon ko chhoote dekha hai insaanon ko.Par jhoothe is sansaar mein ji rahe sab hain moh mein,Jab chahat toh kuch aur hi hai unki rooh mein.Main in rangon mein ghul jaata,Ya dhal jaata chaandi mein,Par sona phir main kabhi na banta.Jo tham jaata aalochanaon par,Aur sabhi kuch mil jaata,Mujhko mera ghaam na milta, mujhko khud ka maan na milta.Mujhko in phoolon ka, in jharno ka jaadu bharmaata chala gaya,Main bhi par inko ji bhar kar thukraata chala gaya.Meri toh keval hasrat thi duniya se takraane ki,Meri toh keval hasrat thi apna sapna ji jaane ki.Main mamooli sa reh jaata,Mujhko mera sangraam na milta.Gali agar na chunta ye toh, mujhko itna naam na milta.